| 有一種人, 生下來就好似螻蟻一樣卑賤,渺小。 佢地「應該」開心0既時候唔會有人同佢地分享,佢地唔開心0既時候,經常會有人「囉景」。 但呢種人唔會覺得咁樣係一件可悲0既事,因為從小到大已經習以為常。佢地冇權去享受「應有」 0既快樂,佢地只可以睇住人地快樂。 對佢地來講,生活應該係陰沉,應該係充滿絕望,應該係一片灰色,應該係充滿無奈。 我就係呢一種好似螻蟻咁卑賤0既人。 細個時我想生日可以有生日蛋糕食,有新玩具玩,可以少做一日功課,溫少一日書。細個時我年年生日都比阿媽打,阿媽鬧,要我做功課溫書。仁慈0既父親會話:「算啦,今日個仔生日,你放過佢啦」阿媽每次都係咁講:「生日大撚晒!?食完個死人蛋糕好同我死去做功課。」 我童年差唔多每個十月十日都係0係喝罵聲中渡過。我冇怨我阿媽0係我生日都要打我鬧我,我只係怨點解個死人蛋糕唔會學似佢講咁,食完會死人。 12歲前有2年我真係連生日蛋糕都冇。第一年我屋企人話唔記得左我生日,買左件西餅比我食,到左第二年,連西餅都冇。不過冇所謂, 反正佢地最後比利是我就冇問題。 少年時代0既生日係最快樂,因為每次生日我都係冇蛋糕,冇禮物,冇人陪。 唯一一份禮物係中一時班主任請我食0既朱古力,唯一一個生日蛋糕係畢業後一班同我讀assco識0既朋友請我食。 其實我唔會介意生日冇蛋糕食,因為我同人慶祝時都會食到 其實我唔會介意生日冇生日禮物,因為送左比我我都唔會保留得耐,咁送比我有咩意思? 生日有咩好?只係証明你離死亡,離長埋黃土0既日子又近一步,根本就冇慶祝0既意義。 今年十月十之前,我渴望有一個平靜0既生日,當日我可以咩都唔做,出一出街食飯就算,就算自己一個都好,都唔緊要。反正一個人自己同自己慶祝對我來講係最理所當然0既事。我唔需要有人同我慶祝,更唔需要有人同我講聲「生日快樂」,因為就算你點講都好,我都唔會快樂。 今年十月十係我有生之來最唔開心0既生日。熱水爐壞左,連續兩日冇涼沖。生日個日assignemnt due,之前個晚唔可以輕輕鬆鬆咁過,都算喇。生日之後個日要group meeting, 即係正日要乖乖地預備group meeting 0既野,想去casino玩兩手都唔得,都仲可以忍,因為呢個係責任0既問題。最火滾0既係,placement project個supervisior係我地份assignment due前2個星期先話我地做0既野唔0岩佢心水,要重做,跟住佢個direction去做。點解佢唔一早講明要點做點做,要到我地做到大半先講!? 一個平平無奇,無無聊聊0既生日對我來講已經足夠, 呢個要求對我呢種卑賤0既人來講,係咪太高? 今年0既十月十我一直享受0係無奈同痛苦之中。 最可笑0既係不斷有人同我講生日快樂。對唔住,我一d都唔快樂,聽完你地一句生日快樂我更加難受。 facebook都講到明自己心情唔好,唔好同我講生日快樂,竟然仲有人同我講,真係笑話! 呢d人究竟係文盲定係有心「囉景」? 如果真係想我快樂,就企係我面前比我捅兩刀,我唔需要快樂,我只需要發洩! |
